ప్రేమంటే.....?

ప్రేమంటే ఇచ్చిపుచ్చుకోవడం కాదు. అది ప్రేమ అవదు. అవతలి వారి నుండి ఏమీ ఆశించకుండా ఇవ్వడమే ప్రేమంటే. అది ఏ ప్రేమ ఐనా కావచ్చు. ఇందులో ఏ స్వార్దమూ లేదు. జాలీ లేదు. నిజంగా ప్రేమ ఉన్న చోట జాలి, స్వార్దము... లాంటి వాటికి చోటుండదు. మానవ సంబంధాలన్నీ స్వార్దపూరితాలు కావు. త్యాగం కావచ్చు అన్నారు. ప్రేమకి పరాకాష్ట త్యాగమే అండి. తను తినడానికి లేక పోయినా, తన బిడ్డకి పెట్టి తాను పస్తులుంటుంది అమ్మ. అది త్యాగం కాదు. ఆ బిడ్డ పై ఆ తల్లికున్న అంతులేని ప్రేమ. తనకి ప్రాణాపాయం అని తెలిసికూడా బిడ్డకి జన్మనిస్తుంది తల్లి. ఇదంతా ప్రేమేనండి. ప్రేమంటే, పార్కుల్లో, సినిమాహాళ్ళల్లో మొదలై హోటల్ రూముల్లో ముగిసేది కాదు. మీరు చెప్పినట్టు గానే ప్రేమ అనే పదం ఎక్కడ పడితే అక్కడ వాడుతుండడం వల్ల దాని అర్దమే మారిపోయింది. కాని నిజమైన ప్రేమ ఎప్పటికి నిలిచివుంటుంది.