మీకు ఆ అమ్మాయి అంటే ఇష్టం లేదా?....లేక అసలు పెళ్ళే ఇష్టం లేదా?...

(చదవండి.. తలా తోకా లేనిదని అన్యదా భావించకుండా మీ అభిప్రాయం చెప్పండి...)



"మీకు ఆ అమ్మాయి అంటే ఇష్టం లేదా?....లేక అసలు పెళ్ళే ఇష్టం లేదా?..."


రెండూ


అంటే ఎవరినైనా ప్రేమించారా?


మీకు తెలీదా?


అంటే మీరు నన్నింకా ప్రేమిస్తున్నారా?  మీ మనసులో నేనింకా ఉన్నానా?


ఇంకా బ్రతికే ఉన్నవా? అని అడుగుతున్నారు మీరు.  ఆ విషయం ఇప్పుడు గుర్తుకు తెచ్చుకోవడం అనవసరం.  దాని వల్ల లాభాల కన్నా అనర్దాలే ఎక్కువ.


గుర్తు తెచ్చుకోవడం మనకవసరం లేకపోయినా మన చుట్టూ ఉన్న సమాజానికి అవసరం.


కావచ్చు.


నువ్వు పెళ్ళి చేసుకోకపోవడానికి కారణం నేనే అంటున్నారు.  నువ్వు నా మీద పెంచుకున్న ప్రేమే కారణం అంటున్నారు.  ప్లీజ్ మీరు ఆ అమ్మాయిని పెళ్ళి చేసుకోండి.


చూడండి! నాపెళ్ళి అనేది  నాకు మాత్రమే సంబంధించిన విషయం.  నా పెళ్ళి నాకోసమే చేసుకుంటాను.అంతేకాని, వేరే ఎవ్వరి కోసం కాదు.  మనసులో ఒక అమ్మాయి ని ఉంచుకుని మరో అమ్మాయిని పెళ్ళి చేసుకోవడం నాకిష్టం లేదు.  ఈ విషయం లో నిర్ణయం తీసుకునే అధికారం నాకుందనుకుంటాను.....


నేను చెప్పినా వినరా?


మీరు కాబట్టే ఇంకా ఇంతసేపు మాట్లాడుతున్నాను.  అయినా నాకు మీరంటే ఉండే ఇష్టం ఎప్పటికీ ఇలాగే ఉంటుంది.  మిమ్మల్ని ఇష్టపడి, మళ్ళీ వేరొకరిని ఇష్టపడితే అది ప్రేమ అనింపించుకోదు.


మీ నిర్ణయం మార్చుకోలేరా?


మాటిమాటికి మార్చుకునేది నిర్ణయం అవదు. అయినా నేను ఒకసారి నిర్ణయం తీసుకున్నాక దాన్ని మార్చుకోను.ఒక విషయం... జీవితంలో ఎవరైనా ఒక్కరి ని మాత్రమే నిజంగా ప్రేమించగలరు. దయ చేసి వెళ్ళిపొండి.  మళ్ళీ నాకు కనబడకుండా వెళ్ళిపొండి.